Мамлакатимизда эълон қилинган карантин ва бугунгидек синовли вазият ўз навбатида бутун халқимиздан бирлик ва бирдамликда барча қонунчилик талабларига қатъий риоя қилишимизни талаб этмоқда. Аммо айрим фуқароларимиз томонидан, ўз манфаатлари йўлида тартиб қоидаларни қўпол равишда бузишга уриниш ҳолатлари ҳам учраб турибди.
Хусусан, Қорақалпоғистон Республикаси божхона бошқармаси Контрабандага қарши курашиш ва божхона аудити бўлими ходимлари ҳуқуқни муҳофаза қилувчи бошқа идоралар билан ҳамкорликда Нукус шаҳрида тезкор тадбир ўтказишди. Бу ҳақда Давлат Божхона қўмитаси хабар берди.
Тадбир давомида фуқаро Н.А. “шартли харидор”га олдиндан келишилган, сифати кафолатланмаган ва тегишли ҳужжатлари бўлмаган жами 100 дона вирус блокатор тиббий воситаларини 12 миллион сўмга сотаётган вақтида ашёвий далиллар билан қўлга олинди.
Мазкур ҳолат юзасидан божхона органлари томонидан суриштирув ҳаракатлари давом эттирилмоқда.
Шавкат Мирзиёевни ҳақоратлаб, изоҳ ёзган йигит 5 йилга қамалди
"Ўзбекистон фуқароларининг Россияга киритилмаётганлиги" бўйича постлар юзасидан расмий маълумот берилди
Аввал сувга итаришди, кейин қайиқни тешишди: Тошкент вилоятида инспекторларнинг ҳаётига суиқасд қилинди
