Қирғизистоннинг Первомай туман суди собиқ президент Алмазбек Атамбоевни жиноий гуруҳ раҳбари Азиз Батукаевнинг ҳибсдан ноқонуний равишда озод қилингани бўйича айбдор деб топди.
Бироқ, даъво муддати ўтгани учун унга ҳукм чиқарилмади. Бу ҳақда собиқ давлат раҳбарининг адвокати Сергей Слесарев маълум қилди, деб хабар беради ТАСС.
“Батукаев иши бўйича ҳукм чиқарилди. Атамбаев айбдор деб топилди, бироқ даъво муддати ўтгани учун жазо тайинланмади”, – деди у.
