Қирғизистонда SIM-карталар ва молиявий реквизитларни бегона шахсларга берганлик учун жиноий жазо белгиланди

Бу ҳақда мамлакат президенти матбуот хизмати хабар берди.

Қайд этилишича, Қирғизистон президенти Садир Жапаров “Қирғизистон Республикаси Жиноят кодексига ўзгартишлар киритиш тўғрисида”ги қонунни имзолаган. Қонун мамлакат парламенти – Жогорку Кенеш томонидан 2025 йил 25 июнда қабул қилинган.

Ушбу қонун билан учинчи шахсларга электрон тўлов воситалари, виртуал актив ҳамён ва SIM-картани қасддан бериш ёки сотиш учун жавобгарликни назарда тутади.