Қирғизистон президенти Садир Жапаров Миллий хавфсизлик давлат қўмитаси (МХДҚ) раиси Қамчибек Ташиевнинг ваколатларини муддатидан олдин тугатиш тўғрисидаги фармонни эълон қилди.
Ташиев 2020 йил 16 октябрдан бери ушбу лавозимда ишлаб келаётганди.
Жумгалбек Шабданбеков бўлса МХДҚ раиси вазифасини бажарувчи этиб тайинланди. Унинг номзоди қўмита раиси лавозимига тайинлаш учун Қирғизистон Жогорку Кенешига келишиш учун киритилмоқда.
Қамчибек Ташиев ва мамлакатнинг амалдаги президенти Садир Жапаровнинг кўп йиллик муносабатлари доимо мамлакатдаги энг барқарор ва таъсирли сиёсий иттифоқлардан бири сифатида қаралиб келган, деб ёзади 24.kg. Уларнинг ҳамкорлиги ҳокимият тепасига келишларидан анча олдин бошланган: ҳали 2010 йилларнинг бошидаёқ улар сиёсий жараёнларда бир неча бор бир томонда туриб чиқиш қилган, 2012 йилдаги умумий жиноий эпизодни бошдан кечирган, бу эса уларнинг шахсий ришталарини фақат мустаҳкамлаган, дейди нашр.
2020 йил октябрь воқеаларидан кейин тандем узил-кесил шаклланган: Садир Жапаров президентлик лавозимини эгаллаган, Қамчибек Ташиев эса МХДҚ раҳбари этиб тайинланган ва кучишлатар блокининг асосий таянчига айланган. Айнан у энг шов-шувли ишларни назорат қилган, кучишлатар сиёсатини шакллантирган ва де-факто президент жамоасининг энг яқин ишончли вакили бўлган.
Starlinkнинг ўчирилиши фронтдаги вазиятни ўзгартирди
Россия АҚШ таклифини рад этди
Россия — чиқиш йўли: босиб олинган Абхазия норозилик билдирди
