Қайси рангдаги автомобиллар кўплиги маълум бўлди

2024 йилда дунёда қайси рангдаги автомобиллар энг оммалашгани маълум бўлди. Сўнгги йилларда автоҳаваскорларнинг диди ўзгаришни бошлаб, хилма-хил, айниқса, ёрқин ранглар урфга кирмоқда, деб ёзди Motor1 сайти.

Оқ — ҳамон энг оммалашган авторанг бўлиб қолмоқда, жаҳонда бу тусдаги машиналарнинг улуши — 34 фоиз. Қора ранг — иккинчи (22 фоиз), кулранг — учинчи ўринда (17 фоиз). Шунинг баробарида, яшил, сариқ ва бинафшаранг каби ёрқин ранглар урфга кирмоқда.

Ранглар минтақаларга қараб фарқланади. Европада қаймоқранг автомобиллар оммалашган, АҚШда — кулранг, Жануби-Шарқий Осиёда қора рангли машиналар кўпаймоқда.

2024 йилда жаҳонда энг оммалашган автомобил ранглари:

1. Оқ — 34 фоиз
2. Қора — 22 фоиз
3. Кулранг — 17 фоиз
4. Кўк — 7 фоиз
5. Қизил — 4 фоиз
6. Яшил — 2 фоиз
7. Сариқ — 1,5 фоиз
8. Жигарранг — 1 фоиз
9. Қаймоқранг — 1 фоиз
10. Бинафшаранг — 1 фоиз.