“Ёғингарчилик кунларида барча синфхоналар томчихонага айланади”, – деб ёзмоқда UzA.
Қашқадарё вилояти Касби тумани Ўқотар қишлоғидаги 47-мактабнинг аҳволи бу. Маълумотларга кўра, мактаб биноси асрнинг 90 йилларида дала шийпони ўрнида ташкил қилинган. Бугунги кунда бу даргоҳда 180 нафардан ортиқ ўқувчи таълим олмоқда. Синфхоналар етишмайди, икки сменада ўқийди. Ўқитувчилар хонаси, спорт зали, мусиқахона умуман йўқ. Кутубхонадан кўмирхона сифатида фойдаланилади. Туман масъуллари аҳолининг бир неча йилдан буён қилаётган мурожаатига қарамай, муаммога панжа ортидан қараб келишмоқда.
