Путиннинг кейинги манзиллари аниқ бўлди

Владимир Путин келаси ҳафта Тожикистон ва Туркманистонга сафар қилади.

“Россия 1” каналининг “Москва. Кремль. Путин” дастурида шу ҳақда маълум қилинди.

"Путин дастлаб Душанбега келади. Тожикистон президенти Эмомали Раҳмон билан музокара ўтказади", - дейилади хабарда.

Ундан кейин РФ президенти Владимир Путин Кремлда Индонезия президенти Жоко Видодо билан музокара ўтказади ва сўнгра Каспий саммитида иштирок этиш учун Ашхабодга келади.