Навалнийнинг ҳолати ҳақида атрофлича маълумот берилмаган, аммо унинг вакилининг сўзларига қараганда Алексейда алергия кузатилиб, юзида шишлар пайдо бўлган. Россия ОАВларига берилган хабарга кўра, унинг аҳволи қониқарли.
Олдин ҳам Навалнийга муолажа қилган кўз шифокорининг айтишича, у кимёвий моддадан жароҳатланган бўлиши мумкин.
Навалний шанба куни бўлиб ўтган норозилик чиқишига даъват қилгани учун 30 кунга қамоққа олинган эди.
Мухолифат номзодларига келгуси маҳаллий сайловларда иштирок этишни тақиқлашга қарши намойишлар пайтида 1000 дан ортиқ киши ҳибсга олинган.
Eвропа Иттифоқи намойишчиларга қарши ортиқча куч ишлатилганини танқид қилиб, сўз, уюшма ва йиғилиш эркинликларига «путур етказилди», деб ҳисоблади. Матбуот котиби Кира Ярмишнинг твиттерда Навалний олдин ҳеч қачон аллергик реакцияга учрамаганини ёзган. Уни илгари даволаган офталмолог, Навалнийни кўришга уринганида, у ва унинг ҳамкасби шифохона томонидан рад этилганини айтди. Бироқ, Анастасия Василева, унинг юзини эшик орқали кўрганидан сўнг, у кимёвий моддалар билан яраланган бўлиши мумкинлигини тахмин қилмоқда.
Навалний Россияда 2011 йилнинг қишида Президент Владимир Путинга қарши энг йирик кўча намойишларини бошқарган коррупцияга қарши фаол сифатида тарихда қолди.
У рухсат этилмаган намойишларда иштирок этгани учун бир неча бор қамоққа тушган. Фирибгарлик айблови эса унга 2018 йил президент сайловларида Владимир Путинга қарши чиқишга йўл қўймади.