Путин яна СССР ҳақида гапирди

Россия Президенти Владимир Путин СССР конституцияси ҳақида гапирди.

"СССР конституциясида белгилаб қўйилган республикаларни Иттифоқдан чиқариш ҳуқуқи ва 1977 йилда мамлакатнинг асосий ҳужжатида қайд этилган Коммунистик партиянинг ҳокимиятга бўлган монопол ҳуқуқи "аста-секин портловчи миналар"га айланди", – деди Россия Президенти Владимир Путин.

"Давлатларнинг Совет Иттифоқидан чиқиб кетишига келсак. Ҳақиқатан ҳам, конституция ... – 1977 йилги конституция ва олдинги конституцияларда Коммунистик партиянинг ҳокимиятга мутлақ монополияси белгилаб қўйилган ва у, коммунистик партия, бутун давлат тизимининг ядроси бўлган. Коммунистик партиядан турли миллат вакилларигача чиқиш ҳуқуқи йўқ эди. У ҳамма нарсани сақлаб қолди", –  деди Путин "Россия 1" телеканалига берган интервьюсида.

Унинг сўзларига кўра, "аслида, Коммунистик партия ўз тақдирини, ўз гуруҳ манфаатларини бутун мамлакат манфаати билан боғлаган".

"Ва (Коммунистик партия – таҳр.) ўз-ўзидан, ҳеч қандай ташқи зарбаларсиз, ичкаридан қулаб тушди ҳамда мамлакатни ҳам қулата бошлади. Бу мутлақо қабул қилиб бўлмайдиган ҳолат. Бу Совет Иттифоқи тузилган пайтида – 1922 йилда ва кейин 24, 36, 77-йилларда конституциялар қабул қилинган пайтда қўйилган "бомбалар" эди. Биз шундай нарсалардан қочишимиз керак", – деди Путин.