Путин вақтни чўзмоқда!

Трамп Путин вақтни чўзаётганини таъкидламоқда. АҚШ кескин чоралар кўришга тайёр.

АҚШ президенти Доналд Трамп Россия раҳбарияти Украинада ўт очишни тўхтатиш бўйича "музокараларни атайлаб чўзаётгани"ни айтмоқда. Бу ҳақда Fox News мухбири Жеки Хайнрих музокаралар жараёнидан хабардор манбага асосланиб хабар берди.

Суҳбатдошнинг сўзларига кўра, Трамп Россия президенти Владимир Путиндан "ҳафсаласи пир бўлган".

Мухбирнинг таъкидлашича, Оқ уй чекловларни четлаб ўтиб нефть ташиётган Россиянинг "соя флоти"га зарба берадиган "кучли санкцияларни қўллаш" имкониятини кўриб чиқмоқда.

"Менга маълум қилинишича, ҳозирда санкцияларга риоя этилиши устидан назорат паст даражада - норасмий равишда у тахминан "10 дан 3" балли тизимда баҳоланмоқда. Болтиқ денгизи орқали ноқонуний нефть ташиётган Россиянинг "соя флоти" фаолиятини тўхтатиш босим ўтказиш учун осон нишонга айланиши мумкин," дея ёзган Хайнрих.