Бугун 3 апрель, 2025 йил, пайшанба

O'ZB

Путин ва Зеленский Трампни хафа қилди

Путин ва Зеленский Трампни хафа қилди

АҚШ президенти Доналд Трамп Россия раҳбари Владимир Путин ва Украина президенти Владимир Зеленскийнинг хатти-ҳаракатларидан ҳафсаласи пир бўлгани ҳақида Оқ уй матбуот котиби Керолайн Левитт маълум қилди.

У бу баёнотни Россияда 1 апрелдан бошлаб армияга 160 минг ҳарбий хизматчи жалб қилиш режалаштирилаётгани ҳақидаги янги чақириққа оид саволга жавоб бераркан айтди.

"Президентнинг кеча кечқурун айтган сўзларини такрорлай оламан. У иккала раҳбардан ҳам ҳафсаласи пир бўлди," - дея таъкидлади Левитт.

Унинг сўзларига кўра, Америка раҳбари урушни тугатишга интилмоқда. Левитт урушнинг ҳар икки томони ҳам "жуда узоқ вақт давомида" катта йўқотишларга дучор бўлаётганини қайд этди.

"Жамоамиз Украина билан бўлгани каби Россия билан ҳам мулоқотни давом эттирмоқда ва президент ҳар куни бу масала билан жуда фаол шуғулланишни давом эттирмоқда," - деди Левитт.

Таъкидлаш жоизки, АҚШ матбуотида Трампнинг Россия президенти Владимир Путинга нисбатан президент Владимир Зеленский ва Украина ҳақидаги сўзлари туфайли "ғазаблангани" фаол муҳокама қилинмоқда.

Киритилди: 06:37 02.04.2025. Ўқилди: 1248 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!