Путин ва Трамп учрашуви қачон ва қаерда ўтказилиши маълум бўлди

АҚШ президенти Дональд Трамп россиялик ҳамкасби Владимир Путин билан учрашув санаси ва жойини айтди.

Америкалик етакчи бу ҳақда Truth Social ижтимоий тармоғида ёзди.

"Россия президенти Владимир Путин билан узоқ кутилган учрашувим келаси жума, 15 август куни буюк Аляска штатида бўлиб ўтади. Тафсилотлар кейинроқ. Эътиборингиз учун раҳмат!" - деб пост қолдирди Трамп.

Аввалроқ The New York Times ўз манбаларига таяниб, Трамп Путин билан учрашишни, тез орада эса Украина президенти Владимир Зеленский иштирокида уч томонлама учрашув ўтказишни кутаётгани ҳақида хабар берган эди.