Доналд Трамп Владимир Путин билан яхши муносабатларга эга эканлигини таъкидламоқда, бироқ Украина Россия президенти ўзининг АҚШдаги ҳамкасбини бошқаришга ва потентсиал музокараларда Киев ҳамда Европани четга суриб қўйишга интилаётганига ишонмоқда.
Украина Россия президенти Владимир Путинни АҚШ янги президенти Доналд Трампни Украина ёки Европа иштирокисиз урушни ўз шартлари асосида тугатиш учун "манипуляция" қилишга уринаётганликда айблади.
"Путин Европасиз Европа тақдирини ҳал қилмоқчи ва Украинасиз Украина ҳақида гаплашмоқчи," - деди Украина президентининг маслаҳатчиси Андрий Ермак, Россия Кремль бошлаган уруш бўйича АҚШ билан икки томонлама музокаралар ўтказишга интилаётганидан огоҳлантирди.
Кейинроқ, хавфсизлик хизмати раҳбарлари билан ўтказилган брифингда Украина президенти Володимир Зеленский "Путиннинг урушни давом эттиришга ва жаҳон етакчиларини манипуляция қилишга тайёр"лигидан огоҳлантирди.
"У Америка Қўшма Штатлари президентининг тинчликка эришиш истагини манипуляция қилмоқчи," - деди Зеленский ижтимоий тармоқлардаги кундалик кечки мурожаатида, аммо "бундан буён ҳеч қандай рус манипуляциялари муваффақиятли бўлмаслигига ишончи комил"лигини қўшимча қилди.
