Россия президенти Владимир Путин мамлакат ташқи ишлар вазири Сергей Лавровни Россиянинг олий давлат ордени – Биринчи даражали Авлиё апостол Андрей ордени билан тақдирлади, деб ёзади РИА Новости.
Лавров Ватан олдидаги алоҳида хизматлари, Россия Федерациясининг ташқи сиёсати йўналишини ишлаб чиқиш ва амалга оширишга қўшган улкан ҳиссаси, кўп йиллик самарали давлат фаолияти учун тақдирланган.
Сергей Лавров кеча 75 ёшга тўлди. Россия ТИВ раҳбари лавозимида деярли 22 йилдан буён фаолият юритиб келмоқда.
Биринчи даражали Авлиё апостол Андрей ордени Россия империясидаги биринчи ва энг олий орден бўлган. 1917 йилгача жами минг нафарга яқин киши мукофотланган. Октябрь инқилобидан кейин Россия империясининг бошқа мукофотлари сингари тугатилган. 1998 йилда эса қайта тикланган ва Россия Федерациясининг олий давлат мукофоти саналади.
"Манчестер Сити" ўзининг инстаграмдаги саҳифасида ЎФАга кескин мурожаат йўллади
Хонанда Феруза Каримова 40 млн сўмдан зиёд жарима тўлайдиган бўлди
Украина самолётлари Россиядаги бошқарув пунктини йўқ қилди
