Россия президенти 2036 йилгача мўлжалланган янги давлат қуролланиш дастури бўйича йиғилиш ўтказди ва унда ҳарбий базалар ва аэродромлар учун инфратузилмани олдиндан тайёрлаш кераклигини таъкидлади.
"Янги қурол тизимларини жойлаштириш учун базалар, омборлар, аэродромлар ва бошқа иншоотларга эҳтиёжни олдиндан ҳисоблаб чиқиш ва инфратузилмани тайёрлашни бошлаш муҳимдир. Бундай объектларни қуриш ва модернизация қилиш учун зарур бўлган молиявий ресурслар қуролланиш дастурида алоҳида банд сифатида белгиланиши шарт", — дея таъкидлади Путин.
Президентнинг сўзларига кўра, у доимий равишда ушбу харажатларни бошқа бандларга кўчириш илтимоси билан келаётган ҳужжатларни имзолайди.
"Аммо бу нима билан тугайди? Янги қурол тизимлари пайдо бўлади, кейин эса тўғридан-тўғри далада ўрнатилади ва бу уларни тезроқ модернизация қилишни ва қўшимча харажатларни талаб қилади", — деди Путин.
Шунингдек, у Россия суверенитетининг кафолати бўлиб қолаётган “ядро триадаси”га алоҳида эътибор қаратиш зарурлигини қўшимча қилди.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
