Путин Ғазони тиклаш билан шуғулланадиган “Тинчлик кенгаши”га таклиф этилди

Бу ҳақда Россия президенти матбуот котиби Дмитрий Песков маълум қилди, деб ёзмоқда The Insider.

Песковнинг сўзларига кўра, Россия томони таклифни ўрганмоқда ва барча масалаларга ойдинлик киритиш учун АҚШ билан тафсилотларни аниқлаштиришни режалаштирмоқда.

Аввалроқ Bloomberg, Доналд Трамп “Тинчлик кенгаши”да доимий ўрин олишни истаган давлатлар камида 1 миллиард доллар миқдорида бадал киритиши кераклигини таклиф қилгани ҳақда хабар берган эди. Агентлик танишиб чиққан кенгаш низоми лойиҳасига кўра, унда иштирок этишга кимлар таклиф этилишини Трамп шахсан ҳал қилади.