Путин Донбасс ва Новороссияни ўз ватанига қўшилди деб эълон қилди

Бутун мамлакат Донбасс ва Новороссияни асрлар давомида Россиянинг ажралмас қисми бўлиб келган заминда тинч ҳаёт ўрнатиш борасидаги саъй-ҳаракатларини қўллаб-қувватлайди, деди Россия президенти Владимир Путин Донбасс ва Новороссияни ижтимоий-иқтисодий ривожлантириш бўйича йиғилишда.

"Бутун мамлакат, миллионлаб одамлар, кўнгиллилар ва бошқа жамоат ташкилотлари Донбасс ва Новороссияни қўллаб-қувватламоқда, уларга қурилиш ва ривожланиш учун улкан салоҳиятини рўёбга чиқаришга, асрлар давомида Россиянинг ажралмас қисми бўлган ва ўз Ватанига яна қўшилган заминда тинч, фаровон ҳаётни ўрнатишга ёрдам бермоқда”, — деди Путин.