Россия президенти Владимир Путин АҚШнинг Гренландия устидан назорат ўрнатиш нияти “жиддий” ва Вашингтоннинг Арктикадаги узоқ йиллик геосиёсий манфаатлари билан боғлиқлигини айтди.
Мурманскдаги форумда сўзлаган нутқида у шундай таъкидлади: " Бу янги маъмуриятнинг экстравагант риторикаси эмас. АҚШнинг Гренландия бўйича жиддий режалари бор, уларнинг тарихий илдизлари бор ".
Путин Гренландияни АҚШдан аннекция қилиш ғояси 19-асрда президент Эндрю Жонсон даврида пайдо бўлганини таъкидлади. " Аммо бу ғоя ўша пайтда Конгресс томонидан қўллаб-қувватланмади ", деди у 20-аср бошидаги яна иккита уринишларини эслаб.
Унинг сўзларига кўра, Гренландияга эгалик масаласи “икки аниқ давлат”га тегишли бўлса-да ва Россияга бевосита таъсир қилмаса-да, Москва НАТОнинг Арктикадаги фаоллиги ошиб бораётганидан хавотирда. Путин алянснинг “янги ёлланганлари” – Финляндия ва Швецияни тилга олди.
" Биз вазиятнинг ривожланишини диққат билан кузатиб борамиз, тегишли жавоб линиясини ишлаб чиқамиз, қуролли кучларнинг жанговар салоҳиятини оширамиз ва ҳарбий инфратузилма объэктларини модернизация қиламиз ", деди Россия президенти.
Сурхондарёда помидорни шпаклёвкага "айлантиришди"
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ мудофаа вазирининг қўлида арабча ёзилган татуировка борми?
