"ПСЖ" президенти Носир Ал-Ҳелайфий жамоа ярим ҳимоячиси Витинья трансфери масаласида муайян позицияни эгаллади ва "Реал" билан футболчини сотиш бўйича музокаралар олиб бориш ниятида эмас, деб хабар беради Defensa Central.
Жамоанинг асосий ўйинчисидан ажралишни истамасликдан ташқари, Ал-Ҳелайфий ва Мадрид клуби президенти Флорентино Перес ўртасидаги кескин муносабатлар ҳам муҳим омил ҳисобланади. Килиан Мбаппе атрофидаги турли эпизодлар, Суперлига масаласида "Реал" ва УEФА ўртасидаги зиддият икки раҳбар муносабатларига путур етказди.
Аввалроқ, матбуотда "Реал" Винисиус Жуниор жамоани тарк этган тақдирда, ярим ҳимоячини 100 млн еврога сотиб олишга тайёрлиги ҳақида хабарлар тарқалган эди.
Globe Soccer Awards тақдирлаш маросимида энг яхши ярим ҳимоячи деб топилган Витинья парижликлар билан 2029 йилгача мўлжалланган шартномага эга.
Осиёнинг энг қиммат ҳимоячилари рейтинги янгиланди
ЖЧ-2026'нинг энг қиммат терма жамоалари рейтинги тузилди. Ўзбекистон нечанчи ўринда?
Роналду тарихий маррага яна икки қадам ташлади
