Ўзбекистонда аксарият хонандалар профессионал билимга эга эмас. Уларнинг кўпчилиги фаолиятини ҳаваскорлар сифатида бошлаган. Ўзбек шоу-бизнеси вакиллари қайси олийгоҳларни битирган?
Ушбу рўйхат журналист Наргиза Муродова томонидан тузиб чиқилган, дея ёзмоқда "Everyday.uz".
Райҳона:
Хонанда Жаҳон тиллари университети битирувчиси ҳисобланади. У инглиз тили филологияси факультетида ўқиган. Хонандалик карьерасини бошлагунга қадар фортепиано чалишни билган, холос.
Нилуфар Усмонова:
Нилуфар "Vinehall School" (Англия)да таҳсил олган. Кейинчалик "Sherborne International College"да ўқишни давом эттирган. 2006 йилда Тошкент юридик университетини тамомлаган. Юрист дипломини олгач, онаси каби хонанда бўлишни мақсад қилган.
Улуғбек Раҳматуллаев:
Хонанда Тошкент давлат шарқшунослик институти тарих факультетини тамомлаган.
Баҳром Назаров:
Хонанда Тошкент темир йўллари институтида ўқиган. Диплом олгач, фақатгина бир марта поезд ҳайдаган.
Шаҳзода Муҳаммедова:
Актриса Тошкент давлат иқтисодиёт университетининг халқаро туризм факультетида таҳсил олган.
Шаҳзода Матчонова:
Халқаро иқтисодиёт ва дипломатия универститетини тамомлаган актриса халқаро муносабатлар ўрнига кинони танлаган.