Польша мудофаа вазири Мариуш Блашчак чоршанба куни Германиядан Польшага таклиф қилинган Patriot зенит-ракета комплексларини Украинага юборишни сўради.
"Россиянинг навбатдаги ракета ҳужумидан сўнг мен Германиядан Польшага таклиф қилинган Patriot батареяларини Украинага ўтказиб, ғарбий чегарасига жойлаштиришни сўрадим", — деб ёзади Блашчак Twitter саҳифасида.
Маълумот учун, Американинг MIM-104 Patriot комплекси ўрта ва юқори баландликдаги нишонларга қарши ҳаво ҳужумидан ва ракетага қарши мудофаани (ABM) таъминлаш учун универсал восита сифатида яратилган.