Макроннинг Ғарб қўшинларини Украинага киритилиши мумкинлиги ҳақидаги сўзлари кескинликни кучайтирмоқда, деди Италия Мудофаа вазирлиги раҳбари.
Гвидо Кросетто Франция президенти нима учун бундай баёнотлар қилаётганини тушунмаслигини қўшимча қилди.
Унинг таъкидлашича, Италия бунда иштирок этиш ниятида эмас. Унинг сўзларига кўра, мамлакатлар «мулоқотнинг барча шаклларини излашлари» ва «дипломатия тўрини тўқишни» бошлашлари керак.
Аввалроқ Венгрия ташқи ишлар вазири Петер Сийярто Макроннинг сўзларини «таҳдидли» деб атаган, Буюк Британия ташқи ишлар вазири Дэвид Кэмерон эса қўшинларнинг киритилиши «хавфли эскалация»га олиб келишини айтган эди.