Польша Бош вазири АҚШ элчисини танқид қилди

Польша Бош вазири Дональд Туск АҚШнинг Варшавадаги элчиси Том Роузни танқид қилди.

Туск бу ҳақда ўзининг ижтимоий тармоқдаги саҳифасида ёзди.

"Элчи Роуз, иттифоқчилар бир-бирларини ҳурмат қилишлари керак, маъруза қилишлари шарт эмас. Ҳеч бўлмаганда, биз Польшадаги шерикликни шундай тушунамиз", деб ёзган Туск.

У бу баёнотни Вашингтон Польша Сеймининг (парламентнинг қуйи палатаси) спикери Влодзимеж Чажасти билан АҚШ президенти Дональд Трампга қаратилган ҳақоратлар туфайли барча алоқаларни узишга қарор қилганидан кейин қилди.

Чажасти яқинда Исроил Кнессети спикери ва АҚШ Вакиллар палатасининг Трампга Нобел тинчлик мукофотини бериш ташаббусини қўллаб-қувватлашдан бош тортди. Ўз қарорини эълон қилар экан, Польша парламентининг қуйи палатаси спикери Америка раҳбари мукофотга лойиқ эмаслигини таъкидлади.