Еврокомиссия Польшага Беларус ва Россия билан чегараларини мустаҳкамлаш учун 52 миллион евро ажратади. Бу ҳақда мамлакат ички ишлар вазири Томаш Семоняк маълум қилди.
Унинг сўзларига кўра, бу маблағлар чегара тўсиғи бўйлаб асфальт йўл қуриш, шунингдек, чегара хизмати учун дрон ва бошқа жиҳозларни харид қилишга йўналтирилади.
Ўз навбатида, Польша чегара қўшинлари бош қўмондони Роберт Баган жорий йилда Свислочь ва Сточанка дарёларининг 47 километрлик қисмида электрон тўсиқ қуриш ишлари якунлангани ҳақида маълум қилди. Бундан ташқари, Польша-Беларус чегарасида қўшимча камералар ўрнатилди. Инвестицион қиймати 20 миллион евродан ортиқни ташкил этди.
Аввалроқ Польша расмийлари Беларус ва Россия билан чегарадаги Шарқий қалқон мудофаа истеҳкомлари таркибида пиёдаларга қарши миналардан фойдаланишни режалаштираётгани маълум бўлган эди.
"Манчестер Сити" ўзининг инстаграмдаги саҳифасида ЎФАга кескин мурожаат йўллади
Россияда айрим мигрантларга патентсиз ишлашга рухсат берилди
Россия авиацияси 138 та туманда Украина ҳарбий-саноат комплекси объектларини йўқ қилди
