Покистон ва Афғонистон уруш ёқасида

Томонлар бир ҳафтадан кўпроқ вақт давомида чегарада зарбалар алмашишмоқда. 24-декабр куни Покистоннинг Афғонистон шарқидаги ҳаво ҳужумларида камида 46 киши ҳалок бўлди. Покистоннинг айтишича, ҳужумлар Покистон Толибонининг “террорчилар бошпаналари”ни нишонга олган. Афғонистон расмийларига кўра, қурбон бўлган 46 кишининг аксарияти аёллар ва болалардир.

Бунга жавобан афғон толиблари чегарага ҳарбий техника ва 15 минг аскарни жойлаштирди (Британия ОАВларига кўра). Шундан сўнг афғонлар баҳсли чегарада Покистоннинг “бир нечта” позицияларига ҳужум қилиб, йўқ қилди. У ерда тўқнашувлар давом этмоқда.

Толибон вакиллари Британиянинг Телеграпҳ газетасига берган интервюсида можаронинг ҳар қандай кескинлашувига тайёр эканликларини айтдилар:

"Уларда ядро бомбаси борми, бизни қизиқтирмайди - биз ишонамиз ва Худо биз билан эканини биламиз", деди юқори мартабали толиблардан бири.

Покистон раҳбарлари ҳам тан олишни истамайди. Ҳукумат афғон толибларини покистонлик жангариларга бошпана берганликда айблайди. Гап биринчи навбатда афғон толиблари, баъзи манбаларга кўра, қурол-яроғ билан таъминлаган “Теҳрик-э Толибон Покистон” (ТТП) гуруҳи ҳақида бормоқда. ТТП Покистонда вайронагарчиликлар келтириб чиқармоқда. Биргина 2024 йилда Покистон хавфсизлик кучларига 444 та ҳужум уюштирилган, камида 685 киши ҳалок бўлган.

БМТ Хавфсизлик Кенгашининг сўнгги ҳисоботига кўра, Афғонистонда 6500 га яқин ТТП жангариси яширинган. “Толибон ТТПни террорчи гуруҳ деб ҳисобламайди”, — дейилади хабарда. Ҳокимиятни қўлга киритгач, жангариларни қамоқдан озод қилишди.