Поль Погба «Манчестер Юнайтед»да бош мураббий Жозе Моуриньо билан муносабатлари қандай ёмонлашганини айтди.
«Ҳаммаси жароҳат олганимдан кейин бошланди. Мен Майамига бориб, у ерда тикланишга қарор қилдим. Баъзилар мени хотиним билан суратга олишди. Моуриньо бу расмни агентим Райолага юборди. Бу менга ёқмади. Умуман ёқмади.
Моуринога айтдим: «Жиддий нарсами? Мен жароҳат олдим, лекин кунига 3 марта машғулотларга келаман. Бошқа ўйинчилар каби эмасман.
Мен учун бу янги ҳолат эди. Мураббий билан муаммоларга ўрганмаганман. Аммо эртага Моуриньо билан учрашсам, у билан бирга кулардим. Ундан хафа эмасман», — деди яримҳимоячи Amazon Prime'даги The Pogmentary ҳужжатли фильмида.
Маълумот учун, 29 ёшли француз эркин агент сифатида «МЮ»ни тарк этди.
