Пискентда таниқли жамиятга тегишли нотурар бино хатланди

Тошкент вилояти Пискент туманида жойлашган "G.R" MCHJнинг 640 млн сўмга яқин қарздорлиги эвазига корхонанинг нотурар биноси хатланди.

Мажбурий ижро бюросининг Пискент туман бўлими иш юритувида бўлган ижро иши доирасида қарздорликни ундиришга қаратилган навбатдаги ижро ҳаракатлари амалга оширилди.

Жумладан, ижро ҳужжатида белгиланган мажбуриятларнинг бажарилишини таъминлаш мақсадида қарздор "G.R" MCHJга тегишли бўлган нотурар мулк аниқланиб, белгиланган тартибда хатловга олинди.

Мазкур чора қарздорликни қоплаш, ундирувчининг қонуний талабларини таъминлаш ҳамда ижро ҳужжати талабларининг тўлиқ бажарилишига эришиш мақсадида амалга оширилди.
Қарздор томонидан мажбуриятлар ихтиёрий равишда бажарилмаган тақдирда, қонунчиликда белгиланган тартибда хатланган мол-мулк бўйича кейинги мажбурий ижро чоралари қўлланилиши мумкин.

Бюронинг Пискент туман бўлими томонидан қарздорликларни ундириш, ижро ҳужжатларининг ижросини таъминлаш ҳамда ундирувчиларнинг қонуний ҳуқуқ ва манфаатларини ҳимоя қилиш борасида амалий ишлар давом эттирилмоқда.