Россия президенти матбуот котиби Дмитрий Песков “Катта еттилик” давлатларининг бугун Украина хавфсизлигини таъминлаш бўйича узоқ муддатли режаларини эълон қилиш ниятини изоҳлар экан, бу Россия хавфсизлигига тажовуз, деди.
“Украина хавфсизлиги учун кафолатлар бериш орқали улар Россия Федерацияси хавфсизлигига тажовуз қилмоқдалар. Бу мумкин эмас ва ўрта, узоқ ва ҳатто қисқа муддатда бу жуда ва жуда салбий оқибатларга олиб келиши мумкин ", деди журналистларга Украинага ҳужум қилиб, катта уруш бошлаган мамлакат президентининг матбуот котиби.
Британия ҳукумати ва АҚШ президенти маъмурияти аввалроқ хабар қилганидек, чоршанба куни НАТО саммити арафасида G7 давлатлари яқин йилларда Украинага ҳарбий ёрдам кўрсатиш декларацияси-режасини имзолайди.
