24 декабрь куни Россия президенти матбуот котиби Дмитрий Песков Украинадаги можарони ҳал қилиш бўйича музокаралар ёпиқ эшиклар ортида ўтиши кераклигини айтди ва Москванинг АҚШ-Украина тинчлик режаси бўйича талаблари ҳақидаги Bloomberg нашри ҳисоботига изоҳ беришдан бош тортди.
"Йўқ, ҳеч қандай изоҳ бўлмайди. Биз ҳали ҳам ҳамма нарса ёпиқ эшиклар ортида ўтказилиши кераклигига ишонамиз", - дея Песков сўзларини келтиради "РБК".
Bloomberg ҳисоботида айтилишича, Москва АҚШ ва Украина томонидан ишлаб чиқилган 20 банддан иборат тинчлик режасига ўзгартиришлар киритиш ниятида.
Ўз навбатида, Москва тинчлик ташаббуслари тафсилотларини очиқ муҳокама қилиш ниятида эмаслигини бир неча бор таъкидлаган.
Аввалроқ, 23 декабрь куни АҚШ президенти Дональд Трамп Украинадаги можарони ҳал қилиш бўйича музокаралар давом этаётгани ва яхши кетаётганини маълум қилганди.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия собиқ СССРнинг Европа қисмидаги ҳудудларини қайтадан эгаллашни истайди(ми)?
