Перу шимоли-ғарбида автобуснинг дарёга қулаши оқибатида камида олти киши ҳалок бўлди, 25 киши яраланди, яна 17 киши бедарак йўқолди. Бу ҳақда жума куни маҳаллий ҳокимият маълум қилди.
Уларга кўра, пайшанба куни кечқурун автобус Лимадан Перу шимолидаги Помабамба провинциясига йўл олган. У жума куни эрталаб Пакосбамба дарёсига қулаган. Бир неча йўловчи автобусдан йиқилиб, кучли оқим томонидан олиб кетилган.
Маҳаллий ОАВ ҳалокатга сабаб сифатида йўлнинг ёмон шароитини кўрсатмоқда. Воқеа жойига полиция ва фуқаро муҳофазаси мутахассислари жўнатилиб, қутқарув ишлари давом этмоқда.
