Пентагон Хитой ядровий қуроллари сонини ошираётгани ва учта учириш шахтаси майдонига 100 дан ортиқ қитъалараро баллистик ракеталарни жойлаштирганини маълум қилди — Reuters.
"Хитой Мўғулистон билан чегара яқинида 100 дан ортиқ “Дунфэн-31” (ДФ-31) қитъалараро баллистик ракеталарини жойлаштирган. Хитой ядровий қуроллар захирасини кўпайтирмоқда ва замонавийлаштирмоқда. Бу Хитойнинг ортиб бораётган ҳарбий амбицияларини ифодалайди", дейилади Пентагон ҳисоботида.
Ўтган ойда АҚШ президенти Доналд Трамп Хитой ва Россия билан ядровий қуроллардан вос кечиш устида ишлаш мумкинлигини айтган эди. Аммо Пентагоннинг ҳисоботида Хитойнинг бу масалаларга қизиқиши камлиги ҳақида баён қилинган.
Ҳисобот муаллифларининг баҳолашича, 2024 йилда Хитой Халқ Республикасининг ядровий арсенали 600 тадан ортиқ жанговар каллакни ташкил этган. Шу билан бирга, Пентагонга кўра, Пекин 2030 йилга бориб ядровий каллаклари сонини 1000 тадан оширишни режалаштирмоқда
Аввалроқ Трамп АҚШ ядровий қурол синовларини қайта бошлашини истагини маълум қилган, аммо бу қандай шаклда бўлиши хали номаълум.
Россиянинг “таслим бўлиш” таклифи ҳақида маълум қилинди
Россия дарҳол ҳарбий ҳаракатларни тўхтатишга тайёр,
Якутия дунёнинг энг совуқ минтақалари рейтингида пешқадам бўлди
