Пентагон раҳбари махфий ҳужжатда АҚШ ҳарбийлари учун асосий таҳдидни айтиб ўтди

АҚШ Мудофаа вазири Пит Хегсет Тайван масаласида Хитой билан юзага келиши мумкин бўлган можарони АҚШ армияси учун устувор вазифа деб атади.

Бу ҳақда The Washington Post (WP) хабар бермоқда.

Нашрнинг ёзишича, Пентагон раҳбари миллий мудофаа масалалари бўйича махфий қўлланмада Хитойни департамент учун ягона доимий таҳдид деб ҳисоблаган. Ҳужжатда Хегсет Тайванга мумкин бўлган босқинни устувор сценарий сифатида кўриб чиқди.

Газетанинг таъкидлашича, Хегсет қўлланмасининг баъзи қисмлари ўтган йилги консерватив таҳлил маркази Heritage Foundation ҳисоботини деярли бутунлай такрорлайди.