Озарбайжон Бош прокуратураси Россиянинг уч нафар фуқароси — «Москва 24» телеканали бошловчиси Иван Князев, сиёсий маслаҳатчи ва медиа эксперти Семён Уралов ҳамда журналист, Россия транспорт вазирининг маслаҳатчиси Алексей Чадаевни халқаро қидирувга берди. Прокуратура маълумотларига кўра, улар Ураловнинг YouTube-каналида 14 июль ва 13 август кунлари бўлиб ўтган эфирларда Озарбайжонга қарши зўравонлик ҳаракатларига, конституциявий тузумни ўзгартириш ва мамлакат ҳудудий яхлитлигини бузишга, шунингдек, миллий адоват ва терроризмни тарғиб қилишга чақирган.
Учаласига нисбатан терроризмга, давлатга қарши ҳаракатларга оммавий чақириқлар ва миллий адоватни қўзғатиш моддалари бўйича жиноий ишлар қўзғатилган. Айбланувчилар Озарбайжондан ташқарида бўлгани сабабли, суд уларни ҳибсга олиш чорасини танлаган.
Муҳожирлар кетмоқда — Москва эса қайтишга чақирмоқда
Сурхондарёда 3700 йиллик қабрлар ўрганилмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
