Фуқаролик ишлари бўйича Бўз туманлараро судининг 05.04.2017 йилдаги ижро ҳужжатига асосан қарздор К.И.дан ундирувчи Д.И.нинг фойдасига 2 нафар фарзанди вояга етгунга қадар иш ҳақи ва бошқа топган даромадларининг 1/3 қисми миқдорида алимент ундириш белгиланган.
Ижро ҳаракатлари давомида қарздор 2013 йилда хорижга чиқиб кетганлиги аниқланиб, унга нисбатан қидирув эълон қилинган. Шунингдек, қарздор томонидан алимент пуллари тўланмагани сабаб, 97,8 млн. сўм қарздорлик тўпланиб қолган.
Қарздор К.И. жорий йилда юртимиз ҳудудига қайтганлиги аниқланиб, Бюронинг Улуғнор туман бўлими томонидан киритилган тақдимномага асосан қарздор К.И.га жиноят ишлари бўйича Улуғнор туман суди томонидан 23.01.2025 йилда 15 сутка маъмурий қамоқ жазоси тайинланган. Шу билан бирга, ундирувчи Д.И. фойдасига 97,8 млн. сўм ундирилиши белгиланган.
Маъмурий қамоқдан тўғри хулоса чиқарган қарздор ота ундирувчи Д.И. фойдасига 2018 йилдан буён тўламаган 7 йиллик 97,8 млн. сўм алимент қарзини тўлиқ тўлаб берди.
Сурхондарёда помидорни шпаклёвкага "айлантиришди"
АҚШ мудофаа вазирининг қўлида арабча ёзилган татуировка борми?
1 апрель куни доллар қандай нархда бўлиши маълум қилинди
