6 апрель куни АҚШ Мудофаа вазири Ллойд Остинга Украина Қуролли кучларининг қарши ҳужумига оид махфий ҳужжатлар ошкор этилгани ҳақида маълум қилинган.
Бу ҳақда Reuters агентлиги Пентагонга таяниб хабар берди.
Агентлик маълумотларига кўра, АҚШ Мудофаа вазирлиги ҳозирданоқ бундай маълумотларнинг айнан қандай тарқатилиши ва уни олувчи кимлигини ўрганмоқда.
Reuters'нинг таъкидлашича, бу 2013 йилда WikiLeaks сайтида 700 мингдан ортиқ ҳужжат, видео ва дипломатик телеграммалар пайдо бўлганидан буён энг муҳим ошкор қилинган маълумотлардан бири бўлиши мумкин.
Шу билан бирга, агентлик, интернетда тарқатилган ҳужжатлар сохта бўлиб чиқиши мумкинлигини ҳам қўшимча қилди.
Шунингдек, Оқ уй, Қўшма Штатлар Пентагон махфий материалларининг сизиб чиқиши тўхтатилганми ёки бошқа маълумотлар чоп этилиши мумкинми ёки йўқлигини ҳозирча айта олмаслигини маълум қилган.
