Осиё футбол конфедерасияси ҳам FIFA'нинг Жаҳон Чемпионати активларининг бир қисмини хусусийлаштириш ташаббусини қўллаб-қувватламаслигини маълум қилди

ОФК ўз баёнотида бу борада UEFA (Европа) ва CONCACAF (Шимолий Америка) билан ҳамфикр эканлигини, Жаҳон чемпионати бутун футбол ҳамжамиятига тегишли эканлигини таъкидлаб ўтган.

Аввалроқ UEFA'га аъзо барча мамлакатлар эркаклар ва аёллар ўртасидаги жаҳон чемпионатларини бойкот қилишга қарор қилганди. Унга кўра, UEFA FIFA томонидан ташкил этиладиган ҳеч бир мусобақани қўллаб-қувватламайди.

Бу қарор FIFA'нинг Жаҳон чемпионати активларининг 20 фоизини хусусий инвесторларга сотиш режасига қарши норозилик сифатида қабул қилинди. Янги хусусий тузилманинг асосий инвестори — Жошуа Кушнер бошқарадиган Thrive Eternal инвестиция жамғармаси ҳисобланади. Жошуа — Доналд Трампнинг куёви Жаред Кушнернинг укаси ҳамда АҚШнинг Франциядаги элчиси Чарлз Кушнернинг ўғлидир.