Орбан ўзини “сичқон”, Путинни “шер” деб қиёслаган

Bloomberg нашри хабар беришича, Венгрия бош вазири Виктор Орбан 2024 йил октябрда Владимир Путин билан телефон суҳбатида ўзини Эзоп масалидаги “сичқон”га, Путинни эса “шер”га ўхшатган.

Манбаларга кўра, Орбан суҳбат давомида Россия президентига ҳар қандай масалада ёрдам беришга тайёр эканини, ҳатто Украина уруши бўйича музокаралар ўтказиш учун Будапештда саммит ташкил этишга ҳам рози эканини билдирган.

Шунингдек, хабарда айтилишича, Орбан ва Путин АҚШ президенти Доналд Трампни “умумий дўст” сифатида тилга олган, Трамп услуби эса “торнадо” ва “танк”га ўхшатилган.