Орбан: "Россия-АҚШ саммитини ўтказиш бўйича музокаралар давом этмоқда"

Венгрия Бош вазири Виктор Орбан Будапештда Россия-Америка тинчлик саммитига мезбонлик қилишини кутмоқда.

Орбан бу ҳақда Вашингтонга кетаётган самолёти бортида венгриялик журналистларнинг саволларига жавоб бериш чоғида айтиб ўтди.

Унинг қайд этишича, айни дамда саммитни ўтказиш бўйича музокаралар давом этмоқда, бироқ ҳозирча келишувга эришилмаган.

Шунингдек, ундан Россия етакчиси Владимир Путин билан охирги марта қачон телефон орқали гаплашгани ҳам сўралган. Бош вазир бу 17 октябрь куни, Россия ва АҚШ президентларининг Будапештда бўлиши мумкин бўлган учрашуви эълон қилинганидан кейин бўлганини айтди: “Ўшандан бери бунга эҳтиёж йўқ эди, лекин зарурат туғилса, албатта, гаплашаман”.