Путин ва Трамп ўртасида Венгрияда ўтказилиши режалаштирилган учрашув бекор қилингач Лавров Россия президентининг ишончидан чиқди — The Moscow Times.
Кремлнинг маълум қилишича, Россия ташқи ишлар вазири Сергей Лавров G20 саммитида мамлакат делегациясига раҳбарлик қилмайди. Унинг ўрнини Президент администрацияси раҳбарининг ўринбосари Максим Орешкин эгаллайди.
Шунингдек, Лавров 5 ноябр куни ўтказилган ва ядро синовларига тайёргарлик масаласи муҳокама қилинган Россия Хавфсизлик кенгаши йиғилишида ҳам иштирок этмаган.
The Moscow Times'нинг ёзишича, бу Лавровнинг 21 октябр куни АҚШ давлат котиби Марко Рубио билан ўтказган телефон суҳбати билан боғлиқ бўлиши мумкин. Айнан шу суҳбатдан сўнг Оқ уй Трамп ва Путин ўртасидаги Будапештдаги саммитни бекор қилган, чунки Рубио "Россия музокараларга тайёр эмас" деган хулосага келган.
Бундан ташқари, орадан кўп ўтмай, АҚШ “Роснефть” ва “Лукойл” компанияларига қарши санкциялар жорий қилганди.
Ўзбекистонда 4 кишилик оиланинг яшаши учун қанча маблағ кераклиги ҳисоблаб чиқилди
Ким Чен Иннинг саломатлигига доир айрим маълумотлар ошкор қилинди
Россия активларининг Украина фойдасига мусодара қилинишига қарши чиққан ЕИ давлатлари номлари эълон қилинди
