Қўшма Штатлар Россия-Украина урушини тугатиш учун БААда ўтказилган уч томонлама музокараларни тарихий воқеа деб атади.
Оқ уй матбуот котиби Керолин Левитт бу ҳақда маълум қилди.
"Ўтган дам олиш кунлари кенг оммага эълон қилинмаган, аммо тарихий бўлган кўп томонлама учрашув бўлиб ўтди. Президент жамоаси тинчликка яқинлашиш учун бу урушнинг иккала томонини ҳам музокаралар столига олиб келди", деди Левитт.
У шунингдек, АҚШ президенти Дональд Трамп бу жараёнда шахсан иштирок этаётганини қўшимча қилди. Унинг сўзларига кўра, АҚШ делегацияси таркибидаги Трампнинг махсус вакили Стивен Уиткофф ва тадбиркор Жаред Кушнер давлат раҳбарини музокаралар натижалари бўйича мунтазам равишда хабардор қилиб туришади.
Шуни таъкидлаш жоизки, Россия, АҚШ ва Украинанинг хавфсизлик масалалари бўйича уч томонлама ишчи гуруҳининг биринчи йиғилиши 23 ва 24 январь кунлари Абу-Дабида бўлиб ўтди. Томонларнинг фикрига кўра, учрашувлар конструктив ўтди.
Россия Ўзбекистон фуқароларини мамлакатдан мажбуран чиқариб юборди (видео)
Саратоннинг давоси топилди!
Одилхон қори Юнусхон ўғли суд залида ҳибсга олинди
