Оқ уй Исроил Фаластиннинг ХАМАС ҳаракати раҳбариятини йўқ қилиш ниятида эканини айтди. Америка маъмурияти буни "фойдали тактика" деб ҳисоблайди. Бу ҳақда Оқ уй Миллий хавфсизлик кенгашининг стратегик алоқалар бўйича координатори Жон Кирби NBC телеканалида маълум қилди.
Унинг сўзларига кўра, ХАМАС раҳбариятининг йўқ қилиниши "ташкилотнинг операциялар ўтказиш қобилиятига ёмон таъсир қилади". Кирбининг қайд этишича, Исроил бу ҳаракатларга диққатини қаратган.
"Биз бу фойдали тактика деб ўйлаймиз", деди Кирби.
