Оқ уй адашиб украиналик қочқинларга руслар учун мўлжалланган мактуб юборди

Доналд Трамп маъмурияти украиналик қочқинларга уларнинг вақтинчалик ҳуқуқий мақоми тугатилганлиги тўғрисида билдиришномалар юбориб, улардан етти кун ичида Қўшма Штатларни тарк этишни талаб қилиб, хатога йўл қўйди.

Мактубларда шундай дейилган: " Агар сиз Қўшма Штатларни зудлик билан тарк этмасангиз, иммиграция чораларига, жумладан депортацияга дуч келишингиз мумкин. Илтимос, мамлакатда ноқонуний қолишга уринманг ".

4 апрель куни АҚШ Ички хавфсизлик вазирлиги хатолик юз берганини тан олди ва украиналикларни қўллаб-қувватлаш дастури амалда қолаётганини таъкидлади.

Кейинроқ мамлакатда вақтинча истиқомат қилаётган Россия фуқароларига ҳам худди шундай хат юборилган . Уларга бир ҳафта ичида Қўшма Штатларни тарк этиш буюрилган, акс ҳолда иммиграция идоралари чора кўриши мумкин.

Кўринишидан, маъмурият дастлаб Украина фуқароларини руслар билан адаштирган .