Она ўзини калтаклаган ўғли учун гаров пули тўлаб, фарзандини қамоқдан озод қилди

Хитойда 92 ёшли она ўзини калтаклаган ўғли учун гаров пули тўлади, шунинг учун у қамоқдан озод қилинди.

Бу ҳақда World of Buzz нашри хабар берди.

Полицияга маиший жанжал ҳақида хабар келиб тушган, натижада 55 ёшли Янг Моучжун ҳибсга олинган. Тергов маълумотларига кўра, эркак ва унинг онаси ўртасидаги жанжал жисмоний зўравонликка қадар етган.

Калтакланганига қарамай, кекса аёл ўғлини ҳибсда қолдиришдан бош тортди. Воқеадан хабар топгач, у 70 доллар гаров пули ёзиб, полиция бўлимига такси чақириб, қандли диабет билан оғриган ўғлидан хавотирда эканлигини тушунтирган.

Маҳаллий аҳолининг тахминига кўра, ҳужумга эркакнинг оғир феъл-атвори ва ақли заиф онасининг кундалик хатолари сабаб бўлган. Баъзилар унинг маст бўлганини ҳам тахмин қилишди, аммо Янгнинг қариндошлари буни рад этишди. Унинг амакиваччаси, эркакнинг спиртли ичимлик истеъмол қилмаслигини ва "ёмон одам эмаслигини" айтди, гарчи у ёшлигидан бузилган бўлса ҳам.