Cоmex фючерс товар биржаси маълумотларига кўра, июн ойи учун олтин фючерси нархи тарихий рекордни янгилаб, 3300 долларлик чегарадан ошган. Тошкент вақти билан 10:18 да олтин нархи 1,97 фоизга ошиб, бир троя унцияси (тахминан 31,1 грамм) учун 3 304,20 долларни ташкил этди.
“РБК”нинг хабар беришича, олтин нархи АҚШ президенти Доналд Трамп қайта ишланган муҳим минераллар ва уларнинг ҳосилаларини импорт қилиш миллий хавфсизликка таҳдид солиши ёки йўқлигини аниқлаш бўйича тергов бошлаш тўғрисидаги фармонни имзолагач, янада тезроқ ўсишни бошлаган.
Жаҳон олтин кенгаши (World Gold Council) маълумотига кўра, олтин нархи 2024 йил давомида 40 марта рекорд даражани янгилаган.
