Британия Бош Вазири Борис Жонсон 22 сентябрь куни халқига мурожаат қилиб, ҳозирда тезкорлик билан тарқалаётган коронавируснинг иккинчи тўлқинини бартараф этиш учун одамларни уйдан ишлашга чақирди ва ресторан ҳамда барларнинг эртароқ ёпилишини буюрди. Ушбу янги чекловлар олти ойгача давом этиши мумкин.
Британиялик олимлар агар зудлик билан чора кўрилмаса, мамлакатда ўлим ҳоллари кескин тарзда ошиб кетиши мумкинлиги ҳақида Жонсонни огоҳлантиришди. Шундан кейин Жонсон мамлакатни март ойида бўлганидек тўлиқ карантинга ёпмасада, лекин, касалликнинг тарқалиши бартараф этилмаган тақдирда яна янги чекловлар жорий қилинишини маълум қилди.
“Биз кўпроқ чекловларни жорий қилиш орқали вирусга қарши яхшироқ қуролланишимиз мумкин” дейди Бош Вазир.
Британияда бир неча ҳафта олдин ишчиларнинг офисларга қайтишларини маслаҳат беришганди. Лекин, бундан кўп вақт ўтмай улар яна уйдан ишлашга чақирилди. Шунингдек, Борис Жонсон барча барлар, ресторанлар ва бошқа жойларнинг 24 сентябрдан бошлаб кечки соат 10:00 ёпилишини буюрган.
“Биз ҳозир ҳаракатни бошлашимиз керак. Бундай қилиш билан биз одамларимизнинг ишлашини, дўконларимиз ва мактабларимиз очиқ қолишини ва мамлакатимизни ривожланишини таъминлай оламиз” дейди Жонсон.
Британия олимлари октябрь ойининг ўртасига келиб мамлакатда кунлик касалланишлар сони 50 000 мингтагача етиши мумкинлиги ҳақида огоҳлантиришган.
Тожикистонда баҳорги муддатли ҳарбий хизматга чақирув режаси 70 фоизга бажарилди
Америкалик таниқли боксчи Баҳодир Жалолов ҳақида фикр бирдирди
Россия яна бир ҳарбий можарода иштирок этиши мумкин
