Олимпиада чемпиони маст ҳолатда қўлга олинди

Рио Олимпиадаси чемпиони, қозоғистонлик Данияр Елеусинов Астанада қўлга олинди.

Хабарларга кўра, Елеусинов иккита йўл-транспорт ҳодисасида иштирок этган ва шундан сўнг воқеа жойидан яширинган. Полиция вакилларининг таъкидлашича, боксчи автомобилни маст ҳолатда бошқарган.

ЙТҲ оқибатида ҳеч ким жабрланмаган.

Данияр Елеусинов — Қозоғистонда хизмат кўрсатган спорт устаси, 2013 йилги жаҳон чемпиони ва 2016 йилги Олимпия ўйинлари ғолиби ҳисобланади. Профессионал фаолияти давомида у IBO йўналишида ярим ўрта вазн жаҳон чемпиони ҳамда IBF Inter-Continental камари соҳиби бўлган.