Бугун 28 март, 2024 йил, пайшанба

O'ZB

Олимлар қанд касалига даво мевани аниқлашди

Олимлар қанд касалига даво мевани аниқлашди

Манго қондаги қанд миқдорини барқарорлаштириши ва 2-тоифа диабети бор одамларда умумий ҳолатини яхшилаши мумкин. Бу ҳақда Express нашри Америкалик олимлар тадқиқотига асосланиб хабар бермоқда.

Мутахассислар мевалар таркибидаги полифенолларнинг антиоксидант ва яллиғланишга қарши хусусиятларга эга эканлигини аниқладилар.

"Манго таркибида каротеноидлар, токофероллар, аскорбин кислотаси ва фенол аралашмалари мангиферин, галл кислотаси ҳамда кверцетин каби бир қатор таниқли биоактив бирикмалар ҳам бор", дейилади хабарда.

Олимлар 2-тоифа диабетга чалинган кўнгиллиларни танлаб, уларнинг таомига музлатилиб қуритилган манго мевасини қўшганлар. Бир неча ойдан сўнг, беморларда овқатдан сўнг глюкоза миқдори пасайган. Бундан ташқари, иштирокчиларнинг аксариятида тана ёғи камайган.

Шу билан бирга, мутахассислар мангода кўп миқдордаги шакар борлиги, шунинг учун хавф остида бўлган беморлар уни кам-кам истеъмол қилишлари кераклиги ҳақида огоҳлантирганлар.

Киритилди: 07:39 25.01.2021. Ўқилди: 6390 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!