Октябр ойининг сўнгги ҳафтасида Россия 7 мингдан ортиқ КХДР аскарларини Приморедан Украина чегараларига ўтказган.
Бу ҳақда Украина Мудофаа вазирлиги Бош разведка бошқармаси маълум қилди.
Шимолий Корея қўшинлари камида 28 та ҳарбий транспорт самолёти ёрдамида ташилган. Кореяликлар 60 мм калибрли миномётлар, АК-12 автоматлари, РПК/ПКМ пулемётлари, СВД/СВЧ снайпер милтиқлари ва бошқа қуроллар билан қуролланган.
КХДР аскарларига, шунингдек, тунги кўриш мосламалари, тепловизорлар, дурбинлар ва бошқа махсус воситалар берилган.
