ОАВ: Кисида АҚШ ва Жанубий Корея президентлари билан учрашиш ниятида

Япония бош вазири Фумио Кисида август ойида АҚШга бўлажак ташрифи чоғида Оқ уй раҳбари Жо Байден ва Жанубий Корея президенти Юн Сок Ёл билан алоҳида учрашувлар ўтказиш ниятида, деб хабар бермоқда Кёдо агентлиги.

Бу ҳақда Кисида ҳукумат ва Либерал-демократик партия ва Комеито партияси ҳукмрон коалицияси ўртасидаги маслаҳатлашувларда айтиб ўтди.

Кисида АҚШга ташрифидан “Шимолий Корея масаласида стратегик ҳамкорликни янада мустаҳкамлаш, қонун устуворлигига асосланган эркин ва очиқ халқаро тартибни сақлаб қолиш ва мустаҳкамлаш” имконияти сифатида фойдаланишни исташини айтди.