АҚШнинг Нью-Йорк жанубий округи суди молиячи Жеффри Эпштейн иши бўйича ҳужжатларни ошкор қилишга рухсат берди.
Бу ҳақда хорижий ОАВлар хабар бермоқда.
АҚШ Адлия вазирлиги Конгресс томонидан қабул қилинган иш материалларини ошкор қилишни назарда тутувчи қонунга мувофиқ ҳужжатларни ошкор қилиш учун ариза берди.
"Суд Эпштейн ёзувлари тўғрисидаги қонунга мувофиқ ҳукумат талабини ва бу ишда жабрланувчиларнинг шахсий ҳаётини ҳимоя қилиш бўйича сўзсиз ҳуқуқини қондиради", деди судья Ричард Берман ўз қарорида.
Эпштейн 2019 йил 6 июлда Нью-Йорк штати ҳуқуқ-тартибот идоралари томонидан ҳибсга олинган. Прокурорлар 2002-2005 йиллар оралиғида у ўзининг Манхеттендаги уйига ўнлаб вояга этмаган, энг кичиги 14 ёшда бўлган қизларни зиёрат қилганига оид далилларга эга эканлигини айтди. Эпштейннинг дўстлари ва танишлари орасида нафақат АҚШдан, балки бошқа кўплаб мамлакатларнинг амалдаги ва нафақадаги амалдорлари, жумладан, собиқ давлат раҳбарлари, таниқли бизнес раҳбарлари ва шоу-бизнес юлдузлари ҳам бор эди. АҚШда молиячига қўйилган жиноий айбловлар у 2019 йил август ойида қамоқхона камерасида ўз жонига қасд қилганидан кейин олиб ташланган.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Самарқанддаги “Қорасув” сув омбори бутунлай қуриб қолди
